Oficina virtualSuper User
A Xunta promove a colaboración empresarial para desenvolver proxectos que aposten pola dixitalización, a sustentabilidade e a loxística avanzada
- A directora do Igape, Covadonga Toca, participou en Vigo nunha xornada organizada por Ceaga de cara a avanzar na elaboración do Plan de competitividade do ecosistema de automoción e mobilidade de Galicia 2030
- O encontro de traballo conta co apoio da Xunta no marco da liña de axudas de Obradoiros, espazos de encontro entre empresas nos que explorar solucións e vías de cooperación que dean lugar a novos proxectos
- Avanza que o Consellería de Economía, Industria e Innovación está a ultimar unha nova convocatoria do programa
- Lembra que, desde a súa posta en marcha no 2018, a Xunta ten destinado a esta liña preto de 2,2M€ para impulsar 125 talleres que sumaron máis de 1.250 asistentes
Lorenzana subliña a aposta da Xunta por que a circularidade forme parte da cultura empresarial en Galicia
- Apunta que a Xunta de Galicia, a través do Instituto Galego de Promoción Económica (Igape), puxo en marcha unha convocatoria de axudas directas para incentivar modelos de negocio circulares entre as empresas galegas
- Asegura que a Cátedra Epifanio Campo vén demostrar que en Galicia hai moito talento para alumear novas propostas e solucións innovadoras que transferir á industria
- Sinala que o futuro decreto que regula a carreira investigadora vai converter Galicia na primeira comunidade en regular as condicións de traballo do persoal investigador a cargo da Administración autonómica
Ferrol, 30 de novembro de 2023
A conselleira de Economía, Industria e Innovación, María Jesús Lorenzana, subliñou hoxe o traballo que vén desenvolvendo a Xunta para conseguir que a economía circular forme parte da cultura empresarial en Galicia.
Durante a súa intervención na entrega dos II Premios de Investigación Epifanio Campo, que promove a Universidade da Coruña, destacou o tándem formado por esta institución xunto co Grupo Rodonita como impulsores desta cátedra: “Desde a Xunta cremos que o modelo no que traballa o Goberno galego co mundo empresarial e a universidade é o adecuado: traballar sempre desde a colaboración e o diálogo e, como neste caso, por que exista unha transferencia de tecnoloxía e coñecemento á sociedade e ao tecido produtivo”, subliñou a conselleira.
Lorenzana salientou que a sustentabilidade é hoxe un obxectivo transversal a todos os campos de actividade e, en particular, ao das empresas e a industria, nun modelo económico que tende aos cero residuos e cero emisións.
Neste contexto, apuntou que a Xunta de Galicia, a través do Instituto Galego de Promoción Económica (Igape), puxo en marcha unha convocatoria de axudas directas para incentivar modelos de negocio circulares entre as empresas galegas, e que pemes e autónomos poidan desenvolver procesos e consumos máis eficientes, aforrar en recursos e enerxía e aproveitar mellor os residuos.
A titular de Economía, Industria e Innovación tamén sinalou que a circularidade está entre as prioridades dos proxectos que optan aos fondos europeos. En concreto, o de Altri, para a produción de fibras téxtiles a partir de celulosa de madeira, e o que promoven Repsol, Naturgy e Reganosa en Meirama, para xerar biocombustible a partir de residuos gandeiros.
Lorenzana concluíu asegurando que a Cátedra Epifanio Campo vén demostrar que en Galicia hai moito talento para alumear novas propostas e solucións innovadoras que transferir á industria. E, nese sentido, referiuse ao futuro decreto que regula a carreira investigadora, que vai converter Galicia na primeira comunidade en regular as condicións de traballo do persoal investigador a cargo da Administración autonómica.
A Xunta aposta pola colaboración público-privada para impulsar o crecemento do tecido empresarial
- A directora do Igape, Covadonga Toca, visitou en Culleredo as instalacións do Centro Tecnolóxico de Investigación Multisectorial (CETIM), onde puxo en valor a importancia desta infraestrutura pola súa “transversalidade” e pola “aposta decidida” pola sustentabilidade das empresas
- Subliña a importancia da economía circular e de que empresas e administracións traballen de xeito conxunto neste eido para “sensibilizar, formar e informar”
- A convocatoria deste ano do programa de Economía Circular promovido pola Consellería de Economía, Industria e Innovación está a permitir o impulso de dez iniciativas que buscan mellorar a competitividade das pemes fomentando procesos e consumos máis eficientes
Culleredo (A Coruña), 29 de novembro de 2023
A directora do Igape, Covadonga Toca, visitou en Culleredo as instalacións do Centro Tecnolóxico de Investigación Multisectorial (CETIM), onde destacou a importancia da colaboración público-privada de cara a promover o crecemento económico e consolidar a competitividade do tecido empresarial galego. “A cooperación entre empresas e administración é moi importante e permite mudar comportamentos para que Galicia se faga cada vez máis grande”, incidiu.
Toca Carús puxo ao centro tecnolóxico como exemplo dese traballo conxunto; unha infraestrutura que, como explicou, destaca tanto pola súa “transversalidade” como pola “aposta decidida” pola sustentabilidade das empresas.
Así, o centro atende a tres áreas de investigación principais: materiais avanzados, onde traballan a contorna das madeiras, dos plásticos, da construción sustentable e das baterías; a liña centrada en eco biotecnoloxías, que atende ao tratamento da auga e dos residuos; e a industria dixital, centrada no sector TIC.
Desde a súa posta en marcha o CETIM atende en todos os seus proxectos á sustentabilidade, con especial fincapé no eido da economía circular. Un campo “fundamental”, indicou a directora do Igape, no que empresas e administracións deben traballar de xeito conxunto para “sensibilizar, formar e informar”.
Cómpre lembrar que a Consellería de Economía, Industria e Innovación activou este ano unha nova convocatoria da liña de Economía Circular que está a permitir o impulso de dez iniciativas que buscan mellorar a competitividade das pemes promovendo procesos e consumos máis eficientes. A través deste programa achéganse axudas directas para facilitar os investimentos das pemes e autónomos de cara á posta en marcha de proxectos para o desenvolvemento da economía circular, o que se traduce nun aforro de recursos e enerxía e favorecerá o reemprego dos refugallos.
O conxunto destes apoios mobilizan preto de 750.000 euros este ano, contribuíndo as iniciativas a promover novos modelos de negocio circulares mediante a optimización de recursos, a redución no consumo de materias primas e o aproveitamento dos residuos.
A Xunta ve en Genesal Energy un exemplo de empresa implicada na transición enerxética
- O director xeral de Planificación Enerxética e Recursos Naturais, Pablo Fernández Vila, e a directora do Igape, Covadonga Toca visitaron as instalacións da compañía en Bergondo (A Coruña)
Bergondo (A Coruña), 24 de novembro de 2023
O director xeral de Planificación Enerxética e Recursos Naturais, Pablo Fernández Vila, e a directora do Igape, Covadonga Toca, visitaron as instalacións da empresa Genesal Energy, en Bergondo, da que destacaron que é un exemplo pola súa implicación na transición enerxética.
A compañía, especializada no deseño, fabricación e venda de grupos electróxenos, vén de poñer en marcha, cos apoios da Xunta de Galicia en materia de autoconsumo, unha instalación fotovoltaica cunha potencia de 56 kWp. A actuación desenvolveuse no marco do seu proxecto OGGY, que Genesal Energy está desenvolvendo para mellorar a xestión enerxética no eido empresarial. Ademais, tamén recibiron axudas do Moves III na súa aposta por unha mobilidade sustentable, así como diferentes apoios para avanzar na dixitalización e innovación tecnolóxica da firma, a través do Igape.
Desde o Goberno galego vaise manter este compromiso de acompañar ás empresas na súa transición enerxética pero tamén dixital. Neste sentido, o orzamento do ano que vén reserva máis de 200 M€ para o Igape co obxectivo apoiar o tecido produtivo e o Inega disporá de preto de 80 M€ para seguir impulsando medidas de aforro e eficiencia enerxética, así como a implantación de enerxías renovables nas empresas galegas, pero tamén nos fogares e administracións.
A Xunta busca no Uruguai novas alianzas comerciais para seguir a potenciar a internacionalización do tecido empresarial galego
- A directora do Igape, Covadonga Toca, participa en Montevideo nunha viaxe institucional que inclúe diversos encontros con empresarios, asociacións e administración pública do país
- Esta viaxe enmárcase na celebración do Encontro Mundial de Empresarios Galegos no Uruguai, que ten lugar entre hoxe e o vindeiro sábado na procura de reforzar a xa importante relación comercial entre ambas rexións
- As vendas ao exterior ao Uruguai presentan unha evolución ascendente nos últimos anos, incrementándose un 47,8% no último lustro ata acadar os 30M€
Montevideo (O Uruguai), 16 de novembro de 2023
A directora do Igape, Covadonga Toca, participa nunha viaxe institucional a Uruguai que ten como obxectivo ampliar e mellorar as posibilidades de negocio das empresas galegas no país a través do establecemento de novas alianzas comerciais. Así, O Uruguai configúrase como un mercado cada vez máis importante para o tecido empresarial galego, tanto polo seu potencial de crecemento como polas oportunidades de negocio que ofrece en sectores como a construción, o naval ou a alimentación.
Neste sentido, a viaxe institucional enmárcase na celebración do Encontro Mundial de Empresarios Galegos no Uruguai, que organiza a Asociación de Empresarios Galegos do Uruguai (AEGU), e que se desenvolverá desde hoxe e ata o vindeiro día 18 en Montevideo e en Punta del Este. Mañá está prevista a participación da conselleira de Promoción do Emprego e Igualdade, Elena Rivo.
Cómpre salientar que AEGU suma máis de 200 empresarios, exercendo un papel fundamental de cara a facilitar a implantación de empresas galegas no país suramericano e para reforzar os vínculos comerciais. Unha relación que segue a medrar nos últimos anos, como amosa a evolución ascendente das exportacións galegas no país, que se incrementaron un 47,8% no último lustro ata acadar os 30 M€.
A celebración do Encontro Mundial de Empresarios Galegos no Uruguai facilitará impulsar novos negocios ao contar o evento coa presenza de representantes de asociacións e delegacións de empresarios do Uruguai, Galicia, Cataluña, Estados Unidos, China, México, Paraguai, Brasil e Arxentina.
Neste marco, a viaxe inclúe tamén diversas reunións con empresarios, asociacións e administración pública do país na procura de reforzar os lazos comercias co Uruguai. Así, a directora do Igape manterá hoxe encontros con representantes da Cámara Nacional de Comercio e Servizos do Uruguai, da Cámara Metalúrxica e Cámara de Industrias Navais, e tamén con representantes do Ministerio de Relacións Exteriores do Uruguai.
A posterior celebración do Encontro permitirá afondar nas posibilidades de negocio, reforzando a alianza coas asociacións de empresarias e empresarios galegos no exterior, favorecendo tanto o incremento das exportacións galegas como a captación de investimentos cara a Galicia, xa sexa a través de empresarios e empresarias de orixe galega ou de empresariado nativo dos países onde se asentaron.
Rueda recibe a embaixadora de Suráfrica en España para reforzar os lazos comerciais e empresariais entre Galicia e este país africano
- O obxectivo é afianzar as relacións económicas con este Estado ao que xa exportan máis de 170 compañías galegas
- Avaliaron as oportunidades que ofrece Suráfrica ás empresas galegas no sector pesqueiro, industrial ou das enerxías renovables
Lorenzana avalía con APE Galicia novas medidas para impulsar a competitividade do sector comercial
A Xunta salienta a importancia da innovación e a dixitalización para mellorar a competitividade e abrir novas oportunidades de negocio
- A directora do Igape, Covadonga Toca, participa en Madrid no encontro da Asociación Española de Axencias de Desenvolvemento Rexional (ADR)
Rueda erixe a sociedade Recursos de Galicia como garante de que a xestión da riqueza natural da comunidade se traduza en riqueza social
- Pon en valor que este “ambicioso proxecto sen precedentes” aglutine a máis de 30 empresas que sosteñen máis de 20.000 empregos directos e achegan ao PIB autonómico case 11.000 M€
- Destaca que a Xunta será socia maioritaria cun 30 % das accións cunha achega de 30 M€ que se desembolsará progresivamente ata 2027
- Sitúa esta nova sociedade mixta como a “punta de lanza” da futura Lei de recursos naturais de Galicia, que exixirá aos proxectos enerxéticos un estudo do impacto socieconómico e medidas para compensalos
A Xunta preside unha nova reunión da mesa polo impulso da actividade económica de As Pontes
- A conselleira de Economía, Industria e Innovación, María Jesús Lorenzana, o alcalde das Pontes, e as tres organizacións sindicais volveron reclamar a Endesa o compromiso firme para o mantemento do emprego dos traballadores das auxiliares durante os traballos de pre-desmantelamento da central
Santiago de Compostela, 13 de novembro de 2023
A conselleira de Economía, Industria e Innovación, María Jesús Lorenzana, presidiu esta tarde unha nova reunión da Mesa para o impulso da actividade económica das Pontes, logo da celebrada a finais do mes pasado e na que se solicitara a Endesa a presentación dun cronograma para as labores de desarme da central térmica.
No encontro Xunta, Concello e parte social acordaron reclamar a Endesa que traslade ás empresas participantes no proceso de adxudicación dos traballos de pre-desmantelamento a necesidade de se comprometer co mantemento da totalidade do emprego das empresas auxiliares, ben a través da subrogación por parte da futura adxudicataria, ben a través de recolocacións. Así mesmo, acordaron que Endesa solicite a paralización dos procedementos de despedimento colectivo ata que se resolva o proceso de adxudicación dos ditos traballos de pre-desmantelamento.
No encontro participaron a delegada territorial da Xunta en Ferrol, Martina Aneiros, o alcalde das Pontes, Valentín González Formoso, así como representantes de Endesa, da CIG, UGT e CCOO, da Confederación de Empresarios, da Asociación de Empresarios Seara, da Asociación de Comerciantes, Hostaleiros e Empresarios das Pontes, así como da Xunta e do Instituto de Transición Justa.
Lorenzana volveu a insistir ao remate da Mesa da importancia de contar cun cronograma que achegue certezas para todas as partes implicadas e permita acompasar as labores de pre-desmantelamento así como de desmantelamento da central térmica cos proxectos industriais e enerxéticos nos que se está traballando, logo do peche imposto polo Goberno central o pasado mes de agosto.
