Oficina virtual
Contorna Legal
Estrutura das empresas en España
Tipos de sociedades máis comúns
| Tipo | Nº de socios | Capital | Responsabilidade |
| Sociedade Anónima (S.A.) | Mínimo 1 | Mínimo 60.000€ | Limitada ó capital aportado |
| Sociedade Anónima Europea (S.E) | Mínimo 1 | Non inferior a 120.000€ | Limitada ó capital suscrito |
| Sociedade Limitada (S.L.) | Mínimo 1 | Mínimo 3.000€ | Limitada ó capital aportado |
| Sociedade Limitada Nova Empresa (S.L.N.E.) | Mínimo 1 / Máximo 5 no momento da constitución |
Entre 3.000€ e 120.000€ | Limitada ó capital aportado |
Tipo de contrato
Os contratos de traballo pódense concertar por tempo indefinido ou por unha duración determinada. Os contratos de duración determinada máis comúns resúmense na táboa seguinte:
| Tipo | Obxecto | Duración |
| Contrato de obra ou servizo determinado | Realización dun traballo ou servizo con autonomía propia dentro da actividade da empresa | Depende do tempo de execución do proxecto |
| Contrato eventual por circunstancias da producción | Facer frente ás circunstancias do mercado, a acumulación de tarefas ou o exceso de pedidos | Máximo de 6 meses dentro dun período de 12 (ampliable ata un máximo de 12 meses para un período de 18) |
| Contrato de interinidade | Substitución temporal de traballadores | Ata a reincorporación do traballador substituido ou vencemento do prazo determinado para a substitución |
| Contrato en prácticas | Contratación de titulados universitarios ou de Formación Profesional de grado medio ou superior | Mínimo de 6 meses (prorrogable duas veces) e máximo de 2 anos |
| Contrato para a formación e o aprendizaxe | Adquisición da formación e práctica necesaria para o desempeño dun determinado posto de traballo | Mínimo de 6 meses e máximo de 2 anos (pode prolongarse ata 3 anos por convenio colectivo) |
Seguridade Social
Todos os empresarios, os seus traballadores, autónomos, os membros das cooperativas de produción, os empregados do fogar, o persoal militar, os funcionarios que residen e/ou exercen as súas funcións en España, deben inscribirse e están obrigados a realizar achegas ao Sistema español de Seguridade Social. Estas achegas repártense entre o empregado e o empregador.
Salario mínimo interprofesional
O salario mínimo interprofesional en 2022 é de 14.000 €/ano, no actual exercicio de 2022.
Traballadores extranxeiros
A normativa española distingue entre os supostos de extrajeros sometidos ao réxime comunitario e estranxeiros aos que se aplican as normas xerais de estranxeiría.
| Nacionais de Estados membros da Unión Europea | NacionaIs de PAÍSES NON COMUNITARIOS |
| Os estranxeiros en réxime comunitario, outros Estados membros da UE, Espazo Único Europeo e Suíza, non precisan obter unha autorización de traballo como traballador por conta allea ou propia, podendo traballar nas mesmas condicións que os nacionais españois. | Os estranxeiros aos que non se lles aplica o réxime comunitario necesitarán unha autorización para traballar. Os empregadores que desexen contratar a un extrajero non comunitario deberán obter previamente unha autorización do Ministerio de Emprego e Seguridade Social. |
Contorna Fiscal
Imposto de Sociedades (IS)
O Imposto sobre Sociedades ( IS) aplícase ás entidades residentes fiscais en España.
En xeral: Base impoñible = resultado contable ± determinados axustes extracontables que sinala a Lei do IS (LIS).
En España o tipo impositivo do Imposto de Sociedades ( IS) reduciuse nos últimos anos. Así, para períodos impositivos iniciados a partir do un de xaneiro de 2008 aplícase o 30%, e tipos de gravame máis reducidos en determinados casos como, por exemplo, as entidades de reducida dimensión.
Imposto sobre a Renda das Persoas Físicas (IRPF)
O IRPF aplícase a persoas físicas residentes fiscais en España. Os contribuíntes por este imposto tributan pola súa renda mundial.
O contribuínte ten a súa residencia en territorio español cando permanece máis de 183 días, durante un ano natural, en territorio español, ou cando se atope en España o núcleo principal das súas actividades empresariais ou profesionais ou dos seus intereses económicos.
A recente reforma fiscal define que base impoñible comprende unha parte xeral e a denominada base do aforro:
A base do aforro está constituída, por unha banda, polo resultado positivo de integrar os rendementos do capital mobiliario e por outro, polo resultado positivo de integrar as ganancias e perdas patrimoniais que se poñan de manifesto con ocasión de transmisións de elementos patrimoniais. A base do aforro gravarase a un tipo do 21%.
A parte xeral da base impoñible está constituída, por unha banda, polo resultado de integrar entre si o resto das rendas (rendementos do traballo, de actividades económicas ou profesionais, do capital inmobiliario, etc.) e por outro, polo resultado de integrar o saldo positivo das ganancias e perdas patrimoniais non integradas nas base do aforro (por exemplo, premios).
En canto aos tipos impositivos, establécese unha escala xeral e outra autonómica do imposto; o tipo mínimo conxunto, para rendas ata 17.707 euros, é do 24,75% e o marxinal conxunto, para rendas superiores aos 53.407 euros, é o 52%.
Transmisións Patrimoniais e Actos Xurídicos Doumentais ( TP / AXD)
Este imposto é obrigatorio para un número determinado de operacións como se reflicten na táboa seguinte:
| Tipo de operación | Tipo Xeral Aplicable |
| Transmisión de inmobles | 10% |
| Transmisión de bens inmobles | 8% |
| Documentos notariais | 1,5% |
Imposto sobre o Valor Engadido (IVE)
O tipo xeral é do 21%, aplicable á maioría das entregas de bens e prestacións de servizos. Existe un tipo reducido do 10% aplicable a determinadas entregas de bens e algúns servizos. Existe tamén un tipo superreducido do 4% aplicable entre outros a alimentos de primeira necesidade, libros, xornais e revistas, ou certas vivendas de protección oficial.
Determinadas operacións quedan exentas do imposto (por exemplo, operacións financeiras e de seguros, servizos médicos ou servizos docentes).
